Busongwa

Kacou Philippe i mubutulwe mu kweji wa dikumi ne tubidi 1972 mu Katadji mu mwaba wa Sikensi ( côte d’ivoire) i mwāna kidimye wakubulwa kufunda. Kupwa kwa kufunda masomo a kyalwilo, Kacou Philippe wafunda nka ma kalasa anà a ku lycée. Kushilwila mu 1992 kufikija mu 2002, wādi upityija kyaba kyandi pamo wa mukwashi wa bayenga.

Matabula mabajinji mu kīne-Kidishitu

Byonso byashilwile na kimonwa kyawatambwile mu mafuku a kweji 24 kweji wa bunà mwaka wa 1993. Dibajinji i kudi kitobo wa katolika kwawaendele mwanda wa kwivwanyija buluji bwa kimonwa. Kupwa waēnda ku ba baptiste kwawapityije myeji isatu kupwa wasambakena muvuma wa William branhammusapudi mwīne Ameleka. I na wao muvuma wa’wāshele nao bu mwitabije bitupu kushilwila mu 1993 kufikija mu 2002.

Ngalwilo ya bwingidi

Kacou Philippe wāshilula masapudi andi a mu bibumbo pa kupwa bupempudi bwa bubidi bwa mwikeulu bwawātambwile mu 1993. Kacou Philippe witela kwikala bu mupolofeto mutumiwa wa lubila lwa mu bukata bwa bufuku, mwendēle Mateo 25 :6.

Kudi Kacou Philippe, bipwilo byonso bingidilanga diabola mu dijina dya Yesu-Kidishitu. Ulombola misungu mivule kimonwa kikwabo kyawamwene mu 1993 mwine mwalombola bu wāmwene’mo bendeji ba bipwilo mu miswelo itulumukwa : « mibidi yabo yādi mibidi ya bu bantu ino mitwe yabo yādi mitwe ya ba nyema beshīle ». Ebiya pãshituka lupata lubajinji ne kwikoka.

Kacou Philippe usapula bifiwe bivule, kimfwa na : « Shi Leza waonakenye bibi byonso mu dilobe mu kyaba kya Noa, namanyi bubi bwetene monka pa ntanda pa kupwa kwa dilobe ? » Ne buno busapudi i busambanyiwe bonsololo na lusambanyo lwa mu Cameroun. Kacou Philippe unena na kinyinga’mba binenwa byandi bidi ne buleme bumo bonka pamo na binenwa bya bapolofeto ba mu Dibuku.

Milangwe

Lubatyijo mwendēle Kacou Philippe

Kudi Kacou Philippe, kipwilo kyashilwile na Yoano mubatyiji ne lwādi i lubatyijo lwa kwisasa, Kupwa kwaiya lubatyijo lwa kulekelwa mabi na batumiwa, kupwa lubatyijo lwa kubingijiwa bōloke na lwitabijo na Martin Luther, kupwa lubatyijo lwa kubutulwa kupya kwa kipwilo pa kupwa kwa kupangwa-pangwa kubajinji kwa bwine loma, kupwa lubatyijo lwa kulelwa, kupwa lubatyijo lwa kupandulwa na John Wesley, kupwa lubatyijo lwa kubutulwa kupya na bwine pentekote, kupwa lubatyijo lwa kulongololwa na William branham, ne ku mfulo lubatyijo lwa kwalujiwa na Kacou Philippe. Ne ukomeneja’mba panja pa byabyo, lubatyijo lonso lukwabo i lwa bubela, nansha i lulongwe mu dijina dya Yesu-Kidishitu nansha mu dijina dya Tata, dya mwana, ne dya Muya-Ujila na kubindwa mu mema.

Kacou Philippe ne kīne-Kidishitu

Kacou Philippe umwene Dibuku pamo wa dikalashi dya motoka nansha bu kitabo kya mānga. Kwadi aye, Dibuku i kivulukilo kya mānga ya bwine Kidishitu ne buyudea ne kedikokeja po mu muswelo nansha umo kuleta Bumi bwa nyeke. Usōkanga mālamunyi onso a dibuku a’tāna bu mabi mu lwitabijo kimfwa na Tob, King James, Thompson, Scofield ne Louis Ségond. Kacou Philippe ushotolola kupya kine kidi bu Kinenwa kya Leza, ushianganya Kinenwa kya Leza ( binenwa bisokolwe) na théologie ( buyuki butambulwa na muswelo wa ngenyi). Ushotolola kupya būleza bwa Yesu-Kidishitu, kwisasa kwa mabi kufwanyinwe kwikala patōka mu kipwilo, kifuko kya mwana-mukaji mu Kipwilo, lubatyijo lwa mu mema, Mushipitu-Sandu, mupolofeto, Dibuku, kwitambula pabukata bwa Kipwilo ne Mbula-matadi, ne miswelo mikwabo ya kīne-Kidishitu. Pa mwanda wa byabyo, upela kwitaba ku lwito lwa ba ANR ba mu Côte d'Ivoire. Ushotolola kupya kīne-Kidishitu kyonso mu kitabo kitelwa bu Kitabo kya mupolofeto Kacou Philippe, kilupuke mu ndingo isatu ku malenbi alupulwa bitabo a mu France. Tala mu lusabanyo lunena’mba : Difuku kutabuka Nº3399 lwa mu mafuku a kweji 15 kweji wa bunà mwaka wa 2016 ne lusabanyo Kukila kupityidile Nº lwa mu mafuku a kweji 15 kweji wa bunà mwaka wa 2016.

Mu kweji wa busatu 2008, Kacou Philippe wabunga mitōtelo yonso ne ba lusabanyo ne société civile mu Kitango kimo kya kwisambila pa kīne-Kidishitu. I kisambo kya bipwilo. Lusabanyo lumo lumutela bu mufundiji wa Kinenwa kya Leza. I pa kupwa kyakyo Kitango pokwatambile pa kimo mu lusabanyo : mupolofeto umo wāvula bantu ba Leza. Nka pamo bwa William Branham, Kacou Philippe walombola muswelo wa’waikēle kumona bukomo bwa peulu pa kipangila bwapēle mwikeulu wa mu mafuku a kweji 24 kweji wa bunà mwaka wa 1993.

Mu mwaka wa 2008, masapudi a mupolofeto Kacou Philippe abashilula kwalamunwa mu ndimi mikwabo. Ma nsabanyo asabānya masapudi andi ; nka ne panja pa Côte d'Ivoire pene. Lusabanyo lumo lwa mu Cameroun lulombola bu : Kacou Philippe, mupolofeto mwiye kulongolola kīne-Kidishitu. Ku bikolokolo pamo wa African nº1, lupotopoto lwa kwikoka lubashilula. Bantu bamo-bamo badyulula mu bufyafya, bakwabo mu muswelo wa patōka ne wa bukalabale. Bakwabo nabo benda kulampe bininge, basela mfudisho ya Kacou Philippe lumo-lumo pamwanda wa kwiitūkija.

Mu mafuku a kweji 13 kweji wa butano 2016, mupolofeto Kacou Philippe ukakutwa kwandi na ba lupusa ba mu Côte d'Ivoire pamwanda wa kudya mutonya lupusa lwa Mbula-matadi, kutyobola ba mitōtelo ne kushinta bya mitōtelo. Ukapityija mafuku anà dyuba ne bufuku ushikete pa kityi mu mobo a bukutwa a ba ANR ba mu Côte d'Ivoire. Kupwa, ukapityija mafuku abidi dyuba ne bufuku mu kifungo kya panshi kya ba pulushi ba mu Abidjan ne myeji isatu ku njibo mikatampe ya bukutwa ya mu Abidjan dibajinji dya kukutululwa mu bufuku bwa mafuku a kweji 16 kweji wa mwānda 2016, na kumukankaja kulonga mbila yandi ya bumi, pamo bwa kukankajibwa kusapula Myanda Miyampe mu bula bwa myaka itano. Lusabanyo lwa mu Togo ne lwa mu Cameroun yaikele kulemba bu kisambo kyādi kiselele myanda mingi. Mafuku kupitapo, bendeji ba mitōtelo ba mu Côte d’Ivoire baketabija bu baikele bu kyalwilo kya bukutwa bwandi.

Kwabanya kwa bwingidi

Bipindi bishīle bya bwingidi

Kudi Kacou Philippe, bwingidi bwandi bwa bu mupolofeto budi ne bipindi bibidi nansha bu biyukeno. Kipindi kibajinji kyādi kya kwikala bu kipyanwa kyawapyene kudi tata wandi William Marion Branham kidi bu kufikidila kwa Mateo 25 :6 ne kidi bu kibungo kya kusokwelwa kwandi kudi kushikilwa mu shapita umbajinji kutūla mu shapita wa 154 a kitabo kyandi kitelwa bu kitabo kya mupolofeto Kacou Philippe. Ne kipindi kya bubidi kidi bu bufumiki, bilotwa ne bimonwa, kidi bu kibungo kya kusokwelwa kwandi kudi kushikilwa mu shapita wa 155 kutūla mu shapita wa 162 a mu kitabo kyandi. Ne kushilwila pa shapita wa 163 kutūla ku umbadilo kewayukanyikile mu kino kyaba akekala bu kibungo kya ma bukamonyi a bundapi ne bingelengele bya kufikidija bwingidi bwandi kupityila mingilo mivule ya bundapi mu ma ntanda mavule a pa ntanda kufikija nka ne ku kufikidila kwa kimonwa kya ludingo lukatampe kyawatambwile mu 1993.

Bufumiki mwendēle Kacou Philippe

Kudi Kacou Philippe, bilotwa ne bimonwa i ndimi ijila ya ba leza ne bantu, enka ne Leza Wa pangala mwine. Udingamanya bilotwa ne bimonwa ku bijila bya mu dishinda ne ku bifunka bya mu dishinda mu lwendo lwa bantu kudi Leza ; ko’kunena’mba kusūlako ku kilotwa nansha kimonwa, i kufutulula Leza ukwisambija. – Namino, kudi aye, i mutwe wa mwanda wādi ufwanyinwe kusapulwa mu bipwilo byonso ne mitōtelo ya pa ntanda mwanda wa kulombola mvubu ya bilotwa ne bimonwa ku betabije. Eyoko, bushotolodi bwa bilotwa ne bimonwa bwādi bufwanyinwe kulongeka ne tunangu tungi ne budyumuke kudi mwendeji ye’yense wa mutōtelo. Mwanda i kupityila kyabuntu kya Leza kobyādi bifwanyinwe kulongekela.

Mingilo ya bundapi ya Kacou Philippe

Kacou Philippe wāmona mu kimonwa kimo mu mafuku a kweji 5 kweji wa busamba 2022 mwikeulu umupa kalane ka musombelo wa diulu ne wamulombola ende ku Afrika wa Kunshi. Mu kitatyi kitungwe, waivwanyija bu kalane ka musombelo wa diulu i pasepolo ne’mba kupwa kwa myaka 20 ne musubu ya bwingidi kwakubulwa kutamba mu Côte d’Ivoire, Leza wāmupe pene lupusa lwa kwenda ma ngedo mu mishionyi ne’bu wādi ufwanyinwe dibajinji kwenda mu Afrika wa Kunshi mwanda wa kwenda kukasela’mo kyabuntu kya bundapi kyashilwe na William Branham. Kupityila bilotwa ne bimonwa bivule, waivwanyija bu wādi ufwanyinwe kulonga mingilo ya bundapi ne bingelengele ku bitupu. Mwikeulu umo wamukomeneja na lupusa mu 2021 lwa kuleka kusela nansha dimo lupeto nansha kyabuntu kya kintu kya muntu ke’yense nansha ekale pamwanda wa bubinga kampanda mu bula bwa mingilo yandi ya bundapi. Washilula mingilo yandi mibajinji mu Afrika wa Kunshi mu kweji wa busatu 2025 mu bibundi bivule abyo bino bidi bu Johannesburg ne Pretoria, Middelburg, Zebediela ne mu kweji wa bunà 2025 ku Zimbabwe kupwa kwa kutāna kāmakambakano katyetye pa kupata viza. Mingilo ya bundapi ku Zimbabwe yaikeleko mu bibundi bya Harare ne Bulawayo, tamba mu mafuku a kweji 16 kutūla mu mafuku a kweji 21 kweji wa bunà 2025. Babela bavule, ba mpofu, ba bulebe, bisunkute, ba sida, ba mbumbu, baundapilwe ponka-na-ponka nansha kupwa kwa mafuku kupitapo mwendēle mabukamonyi mavule. Ma ladiyo mavule a mu Afrika wa Kunshi, a mu Zimbabwe, a mu Côte d'Ivoire, a mu Bénin, a mu Cameroun, a mu Centrafrique, ne nsabanyo mikatampe pamo wa Herald ne Chronicle Esãmbīle pa lwendo lwa mupolofeto Kacou Philippe mu Afrika wa kunshi ne mu Zimbabwe. -Mwendele aye Kacou Philippe, lwendo lwandi lwa mu mishionyi lwa mu Afrika wa Kunshi ne kupwa Zimbabwe, nka ne bingelengele byandi bine biifwene ne bya William Branham mu kyandi kyaba mu 1951. Kuno kwiifwana kwa bingelengele kwādi kukokejika kubandaulwa kupwa kwa kutanga nansha kwivwana kwa ma shapita 163 ne 164 a mu kitabo kya mupolofeto Kacou Philippe ne kitabo kya bukamonyi bwa ku bonso kinēna’mba William Branham, mupolofeto umo upempula Afrika wa Kunshi kya Julius Stadsklev. Ne kuno kwiifwana kwādi kwa kuleta kashinka ka mfulo ako kano kanena’mba mwikeulu wa ku munonga wa Ohio i yenka mwikeulu udi ne mupolofeto Kacou Philippe. Kupwa Zimbabwe, Kacou Philippe wādi ufwanyinwe kwenda mu Gabon mu kweji wa busamba 2025 ino Mbula-matadi wa mu Gabon wāpela kumupa viza pamwanda wa bendeji ba mitōtelo bādi balombola ngikadila ya lwana ku mingilo ya bundapi ya ku bitupu ya mupolofeto Kacou Philippe na bubinga bwishile ino kupityidila tu ku kilongwa kya kubītūpū kwa mingilo ya bundapi ya mupolofeto Kacou Philippe mwanda wa kikokeji kya misonganya mikomo-komo ya mwikeulu mu kimonwa kimo mu mwaka wa 2021. Ekyo kyālengeje kwipaiwa kwa mpangiko yandi ya mu Gabon ne ma mpangiko a ma ntanda makwabo pamo bwa Benin, Togo, Cameroun, Congo Brazzaville ne Congo Kinshasa.

Byalamunwe tamba ku https://plus.wikimonde.com/wiki/Kacou Philippe