Yaromu

Kaku Filipe to ho desanbre pian han zerema 1972 Katadji loo yi, Sikensi mara (Côte d'Ivoire). Lo a vɛro nɛ bɛɛ arana yaro. 1er cycle la'ure be bɛnnɛ, Kaku Filipe bɛɛ wo bebian a yi bɛɛ la ho lycée la'ure be nan mi dee. A fɛ han zerema be 1992 a mi han zerema be 2002, lo wo mi wa'ati wure zuwin tera se manevuru yaamu.

Lo zevɛnu beya mu krecɛnyamu yi

Mu wure hiya bwa ho yimiilo, nɛ lo yu ho avriye pian wozoma 24 han zerema be 1993. Ma yɛɛ, a pɛreni pɛre se lo va yirawe a yira fanmulobe ho yimiilo na. Bun bɛnnɛ, lo va ba batisila se, a nɛ se lo wo pinle betin a bun bɛnnɛ lo heya wɛ ma William Branham uzu, amerikɛn tansinu buwero. A ho uzu so yi lo ɛnna a wo lanaso mide soro han zerema be 1993 tui fuwaa han zerema 2002.

Lo toonu hiya bwɛrobe

Kaku Filipe bwa mi wayurula hiya ho zuwe pian han 2002, lo anze leenu ma lo unpa mu cuwa ɲun ni wa be bɛnnɛ nɛ a lo yu han zerema be 1993. Kaku Filipe lo mi a ho Macu 25:6 tinna nale Tannu turo tannuso.

Kaku Filipe see, han eglizila wure mi waa sɛɛ han li sitanni Yezu-Krista yenu na. Lo wura cuwa cururu yimiilo dio binnu nɛ lo ma han zerema be 1993 nɛ yi lo ma han eglizila wɛnasiyo ma hanmarobe co'uwe : « A ba sura a nucoza sura unga a ba ɲun'uwe we wo biya ɲun'uwe nɛ bɛɛ bwa ». A ma bun han wanni na ma han fuwo beya zora^[1].

Kaku Filipe mi waa buwe sɛsɛbera cururu obra : « Mu yi wo a li Debwenu yi we hara'iyo mu be'uwe wure ma mu ɲun lo Nuwe wa'ati, to a ma mu yɛ mu be'uwe bona arona mana na li tun wa mu ɲun be bɛnnɛ ? » A din wayuru so wure be la'ario ba Kamerun siyo zurnali yi^[2]. Kaku Filipe mwan mu lo mibe dɛmuan cunnu mi obra li Bible tura dɛmuan be sin.

Lo ha'iri na

Li batɛmu a heya wɛ ma lo turo Kaku Filipe ha'iri na

Kaku Filipe se, li Eglizi bwa mi hiya ma Zan-Batisi a mu a li siin yerema nu batɛmu. Bun bɛnnɛ mu be'uwe desi nu batɛmu ma ba apotrola nu, bun bɛnnɛ zenilobe ma ho lana batɛmu ma Martin Luther, bun bɛnnɛ li Eglizi arona terobe batɛmu mu ɲinmwirobe nɛ ba Romusiyo we wo be bɛnnɛ, bun bɛnnɛ li ɲunlɛma batɛmu, bun bɛnnɛ li tere'o batɛmu ma John Wesley, bun bɛnnɛ li wa'ati aronilobe ma mu pantekotisiyamu, bun bɛnnɛ ma mube we'anu batɛmu ma William Branham, a mu veeni mube aronilobe batɛmu ma Kaku Filipe. A lo mwan mu lo a le bun bɛnnɛ, to batɛmu dio binnu be bɛɛ bo, hare a ho yi wo wa Ɲunso Yezu Krista yenu na bun mana lo Maa, ma lo Zo ma li Ha'i-Senu a o ci mu ɲun.

Kaku Filipe ma mu kritiɛnyamu

Kaku Filipe ma li Bible wara moviri dubare bun mana bedan be vanlo. Lobe se, li Bible a mu kritiɛnyamu ma ba zuifula dinɛ bedandan be, a bɛɛ nɛ ma co'o woo ho Sii nɛ bɛɛ ve ma yi. Lo mi waa zɛɛ han Bible la nɛ wure a lo zun lo han bɛɛ se ho lanaa obra Tob, King James, Tompson, Scofield ma Louis Segond. Kaku Filipe arona zenian bun nɛ a li Debwenu Dɛmu, a le'ara li Debwenu Dɛmu (tian na nɛ zenian) wɛ ma ho théologie (bezunle nɛ yu ma lo nucoro he'o nu). Lo arona zenian Yezu Krista Debwenu yaamu, mu be'ue yaafa faralobe nɛ tawɛ a we ba zanma wa, lo hannu zinle li Eglizi, li batɛmu ɲun, li Ha'i-Senu, lo turo, li Bible, bun nɛ be cira li Eglizi ma ho guvɛrnama ma mu kritiɛnyamu zevɛnu wɛnna cururu. Bun ɲun wa, lo pan a vɛ ho Côte d'Ivoire saradasiyo sɛ'ɛsɛ'ɛro nii verobe na. Lo arona zenian mu kritiɛnyamu zevɛnu wure vanlo di'ere yi nɛ yenu Lo turo Kaku Filipe vanlo, a nɛ ma a heya wɛ ma cicio see cuwa tin ho Éditions Édilivre ho Fransi. Dɛɛli zurnali : Le Jour Plus N°3399 du 15 avril 2016 ma li zurnali Le Sursaut N° du 15 avril 2016.

Ho marsi pian han zerema 2008, Kaku Filipe vo han dinɛ na nii wure uwawɛwa a cɛɛ ba zurnalisi la ma ho loo-waa nii fenu ma wɛɛ beenu yi mu kritiɛnyamu wa. Mu a : iri han eglizila wa. Zurnalisi ni'ere lo lo a li Debwenu Dɛmu naso. A ho fenuma wɛ so bɛnnɛ, mu tua zurnali di'ere yi lo :. Debwenu turo mi waa bwɛ li Debwenu tosɛra canma. Obra William Branham, Kaku Filipe yu hanmarobera co'uwe nɛ a lo zenian lo a ho avriye pian wozoma 24 han zerema 1993 anze toonu.

Han zerema 2008, Kaku Filipe wayuru la hiya bwɛ a yerema ma tanre biɲan. Zurnali la mi waa zeni lo wayuru la wure, hare ho Côte d'Ivoire bɛnnɛ. Cameroun zurnali di'ere tua mu ma do'onu lo : Kaku Filipe, turo nɛ mana aa aronian mu kritiɛnyamu fasi. Han unpara la'ari yurɛ obra Africa n° 1, wanni na mi waa we. Nii tuan mi waa la'ari mu sɛsɛmun, a ɲan tara a tuan mi waa la'ari mu han pɛpɛrɛ ma sinle. Tuan yɛrɛ ta tɛmɛnna tui fua ba mi waa see lo turo Kaku Filipe sariyala ma di'ere-ere yirawe a yara han ura.

Ho mɛn pian wozoma 13 han zerema 2016, lo turo Kaku Filipe we funa hare mi zun ma ba ivoiriennes na pa'amana sababwu nu bari lo bɛɛ bo mi yi'i li tun pa'a wa, lo lo ɲan huwenian ɲinmɛ ma le'arobe wɛ han dinɛ na ma wɛ aza. Lo wo wozoma 4 ma tinnale 4 a lo asiyo a'onu wa ba Côte d'Ivoire siyo diorobera ɛnle. Bun bɛnnɛ, lo wo wozoma 2 ma tinnale 2 li tun hiya se ho Abidjan polisi la zun ma pinle 3 ho Abidjan aso zun iin sanni se a lo yi mi yirɛ ho uti pian wozoma be 16 han zerema 2016 unga ma ɲan'in lo tun-zoyamu wa, ti'iti'i a lo bɛɛ we li Tansinu wayuru tui zerema be 5. Togo tun siyo ma Cameroun tun siyo zurnalila we lo ho zara'i a sunnu nɛ be bɛɛ fasi. Fuwa zoo bun bɛnnɛ, ho Côte d'Ivoire dinɛ na waheca la we zunna lo a baa we wo lo finu na ma lo aso zonu sababwu.

Toonu co'uwe

Lo toonu cira'alobera co'uwe

Kaku Filipe se, lo turoyamu toonu yu cira'alobera bun mana sira be'inɲan be 2. Cira'alobe beya nɛ a ɛnbe nɛ lo yu mi miɲanWilliam Marrion Branham se nɛ a Macu 25:6 ɲun tirobe a nɛ a bun nɛ wure a mu zenilobera nɛ mi li sɛnu 1 tui fua li sɛnu 154 yi nɛ mi lo vanlo nɛ yenu a Lo Turo Kaku Filipe Vanlo. Ma cira'alobe ɲunni nɛ a mu turoyamu, han darala ma han yimiilo la, nɛ a bun nɛ wure nɛ mi mu zenilobera nɛ a li sɛnu 155 tui fua li sɛnu 162 nɛ mi lo vanlo yi. A fɛ li sɛnu 163 tui fua ɲun nɛ bɛɛ zun a mu wɛɛrobera ma han aba'ora nɛ mi waa tii lo toonu ɲun sɛrɛyamuna a heya wɛ ma mu wɛɛrobera tore la cururu nɛ mi waa we tuan cururu yi ho dimiɲan tui fua a ci li balon tanle papara beenu yimiilo ɲun tirobe nɛ lo yu han zerema be 1993.

Turoyamu zeenilobera co'uwe lo Kaku Filipe se

Kaku Filipe se, han darala ma han yimiilo la a hɛmɛ tannu han debwere ma ba nucoza aza, hare a cɛɛ li Debwenu nɛ a mube wure ɲunso mu. Lo lo han darala ma han yimiilo la a benɛ ma han wɛnna bwasalosian ma han dɛnna bwasalobe lo nucoro wan benuu a vɛ Debwenu se; to ma bun, a o bɛɛ yati dara bun mana yimiilo, to bun a o lee o ma'o Debwenu nɛ mi waa wuro ma o mu na.

- Ma bun, lobe se, ho a dɛmu-ɲun nɛ be tawɛ a wuro han eglizila wure ma ho dimiɲan dinɛna wure yi yirawe a zeni handarala ma han yimiilo la cunu ma ba laana siyo. Ma bun wure, han darala ma han yimiilo ura zenilobe tawɛ a we ma bezunle ma ha'iri han dinɛ na wɛnasio wure se. Bari a ma hanmu nu mu tawɛ a wera.

Lo turo Kaku Filipe nii wɛɛrobe toore

Kaku Filipe ma yimiilo ho zuwɛn pian wozoma be 5 ze, anze nɛ aa na vanzo dio burama la a zenian ma lo, lo lo fɛn vɛAfrique du Sud. Bun bɛnnɛ fuazoo, lo fanmuan lo ho vanzo dio burama a pasipore, lo a zerema be bwemɛ toonuu a lo ɲan bɛɛ in lo Côte d'Ivoire bɛnnɛ, lo bun be bɛnnɛ, li Debwenu na nu la wɛrɛ a lo we zevɛnu na, a lo tawɛ a vɛ Afriki du Sud ma yɛɛ yirawe a vɛɛ see mu wɛɛrobe hanmu nɛ William Branham dosi binni. Ma darala ma yimiilo la cururu, lo fanmuan lo mi tawɛ a i'iri'a nii wɛɛrobe la ma aba'ora bwe'ee. Anze wura mwan mu han lo han zerema 2021 lo a lo bɛɛ fe wari bun mana hanmu dio woo nuu woo se wa'ati nɛ lo yii we ba nii wɛɛrobe toore. Lo bwa mi hia ma mi nii wɛɛrobe toore Afrique du Sud tun yi ho marisi pian han zerema 2025 luwe bere cururu obra Johannesburg ma Pretoria, Middelburg, Zebediela ma ho avriye pian han zerema 2025 Zimbabwe tun wa'ati nɛ lo yu bwɛbwɛduwe za lo uwi-vanlo yi nu be wa be bɛnnɛ. Ba nii wɛɛrobe toore hia bwa ho Zimbabwe loo-beria nɛ a Harare ma Bulawayo ho avriye pian wozoma 16 a mi 21 han zerema 2025. Vanvanna cururu, maniɲan, bweria, loore, nii nɛ sida mi na, be'iya, yu wɛɛrobe mi ciyo bun mana han wozoma nɛ san buo a heya wɛ ma sɛrɛyamu na cururu. Afrique du Sud, Zimbabwe, Côte d'Ivoire, Bénin, Cameroun, Centrafrique zurnali zuin cururu ma zurnali la beria obra Herald ma Chronicle wura lo turo Kaku Filipe uwi vɛnu be ho Afrique du Sud ma Zimbabwe tuan. - Lo turo Kaku Filipe se, lo uwi zevɛnu ho Afrique du Sud tun bun bɛnnɛ Zimbabwe tun, a cɛɛ lo aba'ora na wure a di'ere obra William Branham ta be sire lo wa'ati han zerema be 1951.Han be aba'ora nɛ lowɛ yɛ da man sɛ'ɛsɛ'ɛ li sɛnu 163 ma 164 aranu bun mana lamɛnu lo turo Kaku Filipe vanlo yi ma William Branham sɛrɛyamu na vanlo nɛ be fasi mu yi, turo ni'ere mi waa lee Afrique du Sud unpa nɛ Julius Stadsklev tua. Bio na mu lowɛ ma zeni lo ho Ohio vun'an ɲun wa Anze a lo ni'ere nɛ mi ma lo turo Kaku Filipe. Ho Zimbabwe tun vɛnu be bɛnnɛ, Kaku Filipe ya we tawɛ a vɛ li Gabon tun ho Zuwɛn pian han zerema 2025 unga li Gabon tun guvɛrnama pan a nɛ li uwi vɛro vanzo la han dinɛ na waheca la sababu bena bari ba mi waa wanni lo turo Kaku Filipe wɛɛrobera bari mu a bwe'ee bun nɛ yirɛ a mu ɲun bari a wari lerobe woo bɛɛ mana lo nii wɛɛrobera toore a heya wɛ ma lo Anze ziya berobe yimiilo li zeremi 2021. A bun do lo i'iri'arobera zinni nu li Gabon tun, ma tuan bian obra Bénin, Togo, Cameroun, Congo Brazzaville ma Congo Kinshasa.

Unpa nɛ tannu yiremalobe hia fa https://plus.wikimonde.com/wiki/Kacou_Philippe