Omiravo

Kacou Philippe oyariwa mu Dezembro wa 1972 o Katadji, mu edepartamento ya Sikensi (Costa do Marfim). Owo mwana a mulipa olima ohihufenre. Vomala esikhola yopatchera, Kacou Philippe ommalimhe pahi ikalasi sese sa ohusiha wa osekundariya. Ovinyera 1992 mpaka 2002, owo oviriha elukuluku awe yintchipale mwa okhala namalapa mu mapuro a oteka ipa.

Metchelo awe a okristo opatchera

Sothene inapatchera mu yawonihera yeyo yowo onneiye mu 24 wa abril wa 1993. Vopatchera ti patiri mmoha a akatolica yowo akeleiyewo vawi asuwele yotaphulela ya yawonihera. Votchara vaya owo onaya wa abatista yawo owo onamaleiyewo miyeri miraru, nave votchara vaya ola onnakumana ni muloko wa William Branham, evangelista a wa amerika. Ori wa muloko yola owo onikhaleleiye mwa ororomela phyakala mwa 1993 mpaka 2002.

Mapatcherero a muteko

Kacou Philippe onapatchera ni olalerya va malokoni mu julho wa 2002, vomala wetcheleliwa wanawili wa munkelo yowo ola akhenleiye mu 1993. Kacou Philippe onnemererya okhala mulipa miririmu a mitchaka a okhuwela ohiyu eriyari, mu otchariha Mateyu 25:6.

Mwa Kacou Philippe, ikreja sothene inamulapa musaserya mu nsina na Yesu Kristo. Ola onnalotcha ikwaha sintchipale yawonihera ekina yeyo onneiye mu 1993, nave mwa yeyo owo akhanleiye owona aholeli ammakerejani mu makhalelo othanyeya: "Irutchu saya sari irutchu sa atchu, nnya miru saya sari miru sa inama sohiyana hiyana". Sahipatcheranto, hiha, ovuhana ni owanawana.

Kacou Philippe onnalalerya miririmu sohiyana hiyana, sintoko: "Wakhala wi Muluku onyanya sonanara sothene ni mahi mu elukuluku ya Nowa, mwawi hayi nivano yonanara ennapwanyeya velaponi ya vathi vomala osareya mahi?". Nave yawitchaniwa yolalerya eri mwa sothene yovuwihiwa mwa ejornal yo Camarones. Kacou Philippe onnalokoherya wi masu awe akhalano esisapo emoha yeyo ya masu a alipa miririmu a Bibliya.

Mupuwelo

Obatiso votchariha Kacou Philippe

Va Kacou Philippe, ekreja enapatchera ni Yohani Mbatisi nave ti obatiso wa otcharuwa. Votchara vaya obatiso wa ovihiwavo sotcheka ni apostolo, votchara vaya obatiso wa okhurumuweliwa mwa nroromelo ni Martinho Lutero, votchara vaya obatiso wa oyariwa wanawili wa ekreja vomala wikariwa wopatchera wa aroma, votcharavo obatiso wa welihiwa ni Joao Wesley, votchara vaya obatiso wa regeneraçao ni pentecostalismo, votcharavo obatiso wa restauraçao ni William Branham okokiheriwa nave, vokutchulani vaya, obatiso wa okokiheriwa ni Kacou Philippe. Nave ola ommemererya wi, nnamwi vari hiha, obatiso wothene okina ti wa owoka, nnamwi weriwakano mu nsina na Yesu Kristo nari mu nsina na Atithi Mwana ni Munepa Wawela mu opwinihiwa.

Kacou Philippe ni Okristo

Kacou Philippe onamona Bibliya sintoko espelho enoniha mutchuli wa ekharo nari livuro a ithale. Va owo, Bibliya ti eneneryo ya ethale yopatchera ya okristo ni oyuda nave henawerya, mwa makhalelo makina, evahe okumi wohimala. Ola onneyela iphatchuwela ikina sa Bibliya hiho ononeiye okhala sawopiha wa nroromelo, mu yolikaniha ya Tob, Kink James, Tompson, Scofield ni Louis Segond. Kacou Philippe onnadifiniri tiheni Masu a Muluku, erakano ohiyaniheya wa Masu a Muluku (ikhaikhai sawupululiwa) nave teologia (sosuwela inapwanyiwa va nthowa na inteligencia). Ola onnasuweliha edivindade ya Yesu Kristo, operekha sotcheka yowo okhanle mwereya va mulokoni, mpuro wa muthiyana mukerejani, obatiso wa mmahini, Munepa Wawela, mulipa miririmu, Bibliya, wiwanana wa ekreja ni Estado ni itchu sintchipale ikina sene sa okristo. Mwa ntchichimiho nene ninna, ola onnakhotcha oya va witchaniwa wa Serviços Gerais ya Inteligencia ya Costa do Marfim. Ola onnamusuweliha Kristianismo othene mwa muteko mmoha wawitchaniwa Livuro a mulipa miririmu Kacou Philippe, olokoheriwe mwa avolune araru mwa Edições Édilivre o França. Vareryani ejornal: Le Jour Plus Nº 3399 ya 15 wa abril wa 2016 ni ejornal Le Sursaut Nº ya 15 wa abril wa 2016.

Mu março wa 2008, Kacou Philippe onnathukumanya mwili wothene wa ereligião, naritho wa majornalista ni esociedade civil, va econferência va mwaha wa kristianismo. Eri eprocesso ya owanawaniha wa ikreja. Ejornale emoha ennonavo okhala ntoko maestro a Masu a Muluku. Ori va omala econferencia yela vava akhumaleiye mwa epagina yopatchera ya ejornal ekina: Mulipa miririmu mmoha onnakutuphula alopwana a Muluku. Sintoko tho William Branham, Kacou Philippe onnalotcha sa woneya wawikhalela yowo onavaheye wa munkelo wa 24 wa abrili wa 1993.

Mu 2008, solalerya sa Kacou Philippe sapatchera okhala sotaphuleliwa mwa ilotchelo ikina. Ijornal sinnavuwiha solalerya sawe mwa sothene; nnamwi okwipi wa Costa do Marfim. Ejornal camarones ennavuwiha va muru vaya: Kacou Philippe, mulipa miririmu orule omurehererya Kristianismo. Mu Mídias, sintoko Afrika Nª 1, idebate sinnahuliwa. Atchu akina annavuwiha mwa makhalelo ovitheya, weraka wi akina annerano mwa makhalelo ohuleya ni owali. Akina tho annaya tho otchayi, ekushaka malamulo a Kacou Philippe nimoha nimoha, vawera wi yaphare mwaphama.

Mu 13 wa maio wa 2016, mulipa miririmu Kacou Philippe akhala ophariwa owannyawe ni alipa olamula a oCosta do Marfim mwa ohiwelela alipa olamula a Estado, otchichimihera munyemo wa ireligiao ni radicalismo religioso. Ola onnaviriha mahiku masese ni ohiyu osese akilanthi va kaderani omukotchani wa Osuweliha Wothene wa Costa do Marfim.

Votchara vaya, ola onnaviriha mahiku meli ni ohiyu mili o porão va se sede ya mapolicia a Abidjan ni miyeri miraru va ekalaposo etokwene ya Abidjan, ahakunve opwanya wopoliwa wawe mu ohiyu wa 16 wa agosto wa 2016 ni ohiheriwa wa owerya wawe wa ecivili, vawoneya wene wa owatiheriwa wa olalerya Mitchaka mu elukuluku ya miyakha mithanu. Imprensa togolesa ni camaronesa yahirepela othoriha ntoko wa mahoveryo. Nnya othanaru, malidere religioso o Costa do Marfim yahemererya okhala mwa maphatchuwelo a ophariwa wawe ni owaleliwa mu kalaposo.

Edispensação Ministerial

Makupa ohiyana hiyana a Muteko

Wa Kacou Philippe, muteko awe wa mulipa miririmu orino makupa meli matokwene nari wisuweliha. Makupa mamoha opatchera yawo yahawela okhala yoputchula yeyo owo akhenleiye wa apapa awe William Marrion Branham,yowo ori okwaniheriwa wa Mateyu 25:6 ni wi ori makhuru a sawonihera sawe inapwanyeya mu kapitulo 1 mpaka kapitulo 154 ya livuro awe awitchaniwa Livuro a Mulipa Miririmu Kacou Philippe. Nave ni efase yanawili yeyo eri omiririmu, soloha ni sawonihera, hiho iri makhuru a sawupulula sawe inapwanyeya va ekapitulo 155 mpaka ekapitulo 162 a livuro awe. Nave va ekapitulo 163 mpakana enumero yohithonyeya yeyo yi ekhale makhuro a onamona wa openushiwa ni miririmu mu wemererya wa muteko awe mwa miteko sa openusha sohiyana hiyana mwa ilapo sohiyana sa mpaka okwaniheriwa wa yawonihera etokwene ya estádio yeyo areiyeno mu 1993.

Omiririmu sintoko mwa Kacou Philippe

Sintoko Kacou Philippe, soloha ni sawoniherya iri solotcha sorelihiwa veri va amiluku ni atchu a mwili, itcharakavo tho ni wa Muluku a Ikuro. Owo onnapwanapwaniha soloha ni sawoniherya iri acodigo ni ineneryo sa wetcha va mukwaha wa atchu mwa oya wa Muluku; weiyo ohipwatcha yoloha nari yawoniherya ti ohivaha esisapo Muluku yowo onalotcha va weyano. Hiha, votchariha yowo, ti etchu yeyo enapwanela olotchiwa mmakerejani mothene ni ireligião sa velaponi vawi yonihe otchuneya wa soloha ni sawoniherya wa ororomela. Mwawihiha, otaphuleliwa wa soloha ni sawoniherya wanapwanela weriwa mwa osuwela sha ni wikosopha mwa makupa a muholeli a ereligião phyakala. Hiha eri mwa owerya wa Muluku yeyo yahawelaya weriwa.

Miteko ya openusha wa Kacou Philippe

Kacou Philippe onnona, mwa yawoniherya ya 5 wa junho wa 2022, munkelo anvahaka caderuno azuli mmoha nave amuthonyeraka vawi aye wa Afrika do Suli. Mwa ewora yawakwanela, ola onnasuwela wi, vovira miyakha opwaha 20 ya Muteko ahikhumme o Costa do Marfim, Muluku onnanvaha vano olamulelo wa wetcha mukwaha wa omissionário nave wi ola anahawela vopatcherani oya wa Afrika do Suli vawi akushe Owerya wa openusha wahiwe ni William Branham. Mwa soloha ni sawoniherya sohiyana hiyana, ola onnasuwela wi onnapwanela oreherela Muteko wa openusha ni samalavi sohiliviwa. Munkelo mmoha ahimusuweliha, mu 2021, mwa ohikhalakhala wakhala ikhorowa nari sovahiwa mwa makhalelo a hivo mwa makhallelo tani phyakala, mu elukuluku ya Miteko yá ya openusha. Ola onapatchera ni Miteko sawe sa openusha wa Afrika do Suli mwa mweri wa março wa 2025 mwa mapoma ohiyana hiyana, ethonyeyaka: Joahanesburgo ni Pretória, Middelburg, Zebediela nave va mweri wa abrili wa 2025 o Zimbabwe, va omala ni okhala ni makatchamiho makhani mwa okhalano wemereriwa. Miteko sa openusha sa o Zimbwabwesaheriwa mwa mapoma a Harare ni Bulawayo mu mahiku a 16 mpaka 21 wa abril wa 2025. Awitcheliwa antchipale, ohona, opororowa, orakala awitcheliwa ni HIV, ohiwa yakhala openushiwa mwawkuveya nari mwa mahiku otcharavo, mwa okwanihera wa onamona wohiyanahiyana. Imprensa sintchipale sul-afrikana, ozimbabwe, omarfinense, obeninense ni camaronesa, centro afrikana ni ijornala itokwene sintoko Herald ni Chronicle solotchs sa mikwaha sa mulipa miririmu Kacou Philippe wa oya Afrika do Suli ni o Zimbabwe. Votchariha Kacou Philippe, mukwaha awe missionária wa oya wa Afrika do Sul nave, votchara vaya, o Zimbabwe, phama tho ntoko samalavi sawe, iri solikana ni sa William Branham mu elukuluku awe, mu 1951. Olikana wuwu wa samalavi sokhsls moneya vomala walakhanya nari owiriyana wa ikapitulo 163 ni 164 mu livuro a mulipa miririmu Kacou Philippe ni livuro a onamona wekhaikhai wa William Branham, mulipa miririmu onnetchelela Afrika do Sul ya Julius Stadsklev. Nave onamona yola wanavaha okwanihera vawi munkelo wa muhitche Ohio ti munkelo mmohamoha yowo ori ni mulipa miririmu Kacou Philippe. Vomala o Zimbabwe, Kacou Philippe anakweleya oya o Gabão mu junho wa 2025, nnya Estado gabonês yakhotcha wemererya va nthowa na mareligioso yawo yonimhe onanara murima mwa Miteko ya openusha mahalene wa mulipa miririmu Kacou Philippe mwa mathowa ohiyana hiyana, nnya, sasa va nthowa na makhalelo a okhala wothene wa mahala wa Miteko ya openusha wa mulipa miririmu Kacou Philippe mwa wiwelela wa solelihera solipa sa munkelo mu yawonihera mu 2021. Eyo yoruha omalihiwa wa eprograma ya o Gabão ni iprograma ikina mu ilapo lkina, sintoko o Benim, Togo, Camarões, Congo-Brazzaville ni Congo-Kinshasa.

Etaphuleliwe wa https://plus.wikimonde.com/wiki/Kacou_Philippe