Buswaka

Kwa Kacou Philippe, Gereja imbayamba na Yohane M’batize ndipo idakhala ubatizo wa kukhaula. Patsogolo pache, ubatiso kwa chiwombolo cha matchimo na atumwi, patsogolo pache ubatizo wa chilungamiso pakati pa chikhulupiriro na Martinho Lutero; patsogolo pache ubatizo bwa kubadwa papwsa kwa Gerej mbuyo mwa kuteweredwa kwa kuyamba na aroma; patsogolo pache ubatizo bwa adocao; patsogolo pacheubatizo bwa kuchenesedwa na Joao Wesley, patsogolo pache ubatizo bwa kupolesedwa na chipentecostalismo; patsogolo pache ubatizo bwa kubwerezera na William Branham, ndipo pano ubatizo bwa kubwerezeresa na Kacou Philippe. Ndipo iye ambatsimikiza kuti kunja kwa bzimwebzi, ubatizo bwentse bwinango ni bwa kunama, napo uchikhala mu dzina la Yesu Krixtu ayai mu dzina la Baba, la Mwana na la Mzimu Wakuchena mwakubvikidwa.

Mithanya ya kuyamba mu chikrisitu

Bzentse bzimbayamba na masomphenya yabodzi yomwe iye ambakhala nayo mu 24 za mwezi wachina ya 1993. Pakuyamba ni kuna wantsembe m’bodzi wachikatolika ndiye iye ambayenda kuti abvesese chithandauzo cha masomphenyayo. Patsogolo pache, iye ambayenda kuna mabatista na womwe iye ambakhala nawo minyezi mitatu ndipo mbuyo mwa bzimebzi, iye ambagumana na mafambidwe ya William Branham, nyakumwaza fala m’bodzi waku Amerika. Ni na gulu imweyi ndiye iye ambakhala ninga nyakukhulupirira pokha kuyambira 1993 mpaka 2002.

Chiyambi cha utumiki

Kacou Philippe wabadwa mu mwezi wachikhumi na iwiri za 1972 ku Katadji, ku mbuto ya Sikensi (Costa do Marfim). Iye ni mwana wa mulimi m’bodzi nyakusaya kupfundza. Mbuyo mwakumaliza mapfundziro ya mdime ya kuyamba, Kacou Philippe adakhala waku kwanisa pokha kukwanisira makalase manayi yakuyamba ya mdime ya chiwiri. Kuchokera 1992 mpaka 2002, iye ambapita mbali izinji ya nthawe yache ninga nyabasa ku mbuto za kukondza nyumba.

Makumbukiro

Ubatizo mwakubverana na Kacou Philippe

Kacou Philippe ambayamba na maulaliki yache ya padecha mu mwezi wachenomwe ya 2002, mbuyo mwa kuzungiridwa kwa chiwiri kwa ngelo yomwe iye wawona mu 1993. Iye ambabziti kukhala m’profeta wa uthenga wa nkuwo wa pakati pa usiku mwakubverana na Mateu 25:6. Kwa Kacou Phillipe magereja yentse yamba tumikira satana mu dzina la Yesu Krixtu. Iye ambafotokoza kazinji kentse masomphenya yanango yomwe iye adakhala nayo mu 1993 momwe iye ambati kuti awona atsogoleri wa gereja mu mawonekedwe yachirendo: Mathupi yawo yakhali mathupi ya wanthu, maka misolo yawo yakhali misolo ya bzinyama bzakusiyanasiyana. Tsono, yambatulukira mipikichano na kulimbana kwa kuyamba.

Kacou Philippe ambalalikira bzintsintsi bzizinji, ninga izi: Penu Mulungu wa dzonga bzkuyipa bzentse pa chigumula pa nthawe ya Nowa, tsono bzikuchitika tani kuti kuyipa kukali pa dziko la pantsi mbuyo mwa Chigumula?” Ndipo ulaliki umweyu udamwazidwa wentse na tsamba libodzi la chidziwiso cha ku Camaroes. Kacou Philippe ambafotokoza kuti mafala yache yana phindu libodzibodzi na mafala ya maprofeta ya m’Biblia.

Kacou Philippe na chikrisitu

Kacou Philippe ambawona Biblia ninga supedyo zakuwonera mbuyo za ngolo ibodzi ayai livu ya mbiri ya kale. Kwa iye, Biblia ni chizindikiro cha chiyambi cha mbiri ya chikrisitu na chiyuda ndipo ingakwaniselini munjira iriyentse kupasa Moyo wa muyaya. Iye ambatentha misandulizidwe yentse ya Biblia yomwe iye ambawona ningati ngozi kwa chikhulupiriro, ninga Tob, King James, Tompson, Scofield na Louis Segond. Kacou Philippe ambadziwisa papswa Fala la Mulungu ni chiyani, kumbakhazikisa kusiyana pakati pa Fala la Mulungu (Bzachadidi bzakuzimbulidwa) na citeologia (udziwi bwakutambiridwa pakati pa luso). Iye ambadziwisa papswa bumulungu bwa Yesu Krixto, kubweka kwa matchimo komwe kukufunika kukhale padecha, mbuto ya mkazi mu Gereja, ubatizo bwa m’madzi, Mzimu Wakuchena, m’profeta, Biblia, makhalidwe ya Gereja na boma na bzinthu bzizinji bzinango bza chikrisitu. Mwakukhudzana na bzimwebzi iye adalamba kubwera ku m’chemero ubodzi wa Nkhani Zentse za Costa do Marfim. Iye ambadziwisa papswa chikrisitu chentse mu livu ibodzi yakuchemeredwa Livu la M’profeta Kacou Philippe, yakumwazidwa mu gawo zitatu na Edilivre ku Franca …

Wona tsamba la chidziwiso: Le Jour Plus Nᵒ3399 ya 15 za mwezi wachinai ya 2016 na tsamba la chidziwiso Le Sursaut Nᵒ ya 15 ya mwezi wachenai ya 2016.

Mu mwezi wachitatu ya 2008, Kacou Philippe ambagumaniza wanthu wentse wabzipembedzo, tanapayu ninga atolankhani na gulu la kuyimirira wanthu, pa nkhonkhano ubodzi wakukhudza chikrisitu pa yomwe iye ambatongeza magereja. Tsamba ibodzi ya chidziwiso imbamuchemera misiri wa Fala la Mulungu. Ni mbuyo mwa nkhonkhano umweyu ndiye ambawonekera pa tsamba lakuyamba la basa linango la chidziwiso: M’profeta m’bodzi wakhundula wanthu wa Mulungu. Ninga William Branham, Kacou Philippe ambafotokoza kuwonekera kubodzi kwa umulungu komwe iye ambapereka kwa ngelo ya 24 za mwezi wachinai ya 1993.

Mu mwezi wachitatu ya 2008, ma ulaliki ya Kacou Philippe yamba yamba kuthumbuludzidwa kwa malirime yanango. Masamba ya dzidziwiso yambamwaza maulaliki yache mwakukwanira; ngakhale kunja kwa Costa do Marfim. Tsamba libodzi la chidziwiso la ku Camaroni imbayikha pa tsamba lache lakuyamba: Kacou Philippe, m’profeta m’bodzi womwe wabwera kudzakondza papswa chikrisitu. Pa Media ninga Afrika nᵒ 1, michezerano yamba yamba. Wanthu anango ambatawira lungalunga, uku anango ambabzichita munjira ya kutsudzuka na ya chiwembo. Anango ambayenda kutali kwenekwene, kumbatenga bzipfundziso bza Kacou Philippe, yabodzi na yabodzi kuti akanise kuyatsutsa bwino.

Mu 13 za mwezi wachichanu ya 2016, m’profeta Kacou Philippe ambamangidwa kumui kwache na wamphambvu za umangi wa ku Costa do Marfim thangwera kulimbana na utongi wa Boma, kuthunduzira ku chiwengo cha chipembedzo na kufera chikhulupiriro kwa chipembedzo. Iye ambapita masikati ya chanu ya busiku uchanu wakukhala pa mpando ubodzi ku mbuto za bzidziwiso bza nkhani zentse ya ku Costa do Marfim. Patsogolo pache, iye ambapita masikati yawiri na busiku buwiri ku m’godi kwa mbuto ya mphambvu za umangi za ku Abidjan na minyezi itatu ku kaidi ikulu ya ku Abidjan uku akanati kugumana papswa kutsudzulidwa pa usiku bwa 16 za mwezi wachisere ya 2016 na kuletsedwa kwa ufulu bwache bwa munthu, kuphatanidza kuletsedwa kwa kulalikira vangedyo mwakukwanira magole machanu. Mabasa ya kumwaza nkhani ya ku Togo na ku Camaron adafotokoza chitongezocho ninga cha bzithandauzo bzizinji. Kutsogolo kwenekwene, atsogoleri anango wachipembedzo waku Costa do Marfim adabvuma kuti akhali pa chiyambi cha kutengedwa na kumangidwa kwache.