Kacou Philippe wakabharwa mumwedzi wa dezembro wegore re 1972 ku Katadji, kumutanha we Sikensi (Kosta ye Marfim). Iyena ndi mwana womurimi asikazi kufunda. Pakubva ku shikora comabuku okutanga, Kacou Philippi wakapedza bhasi karasi murongomuna dzokutanga dzo mabuku ocipiri. Kubva mugore re 1992 dhakara mugore re 2002, iyena wakapedza nguwa yake yakarebha ari musenzi mumbuto dzinowakwa nyumba.
Zvese zvakatangira pa cioneso caakatambira pamazuwa 24 a abril ogore re 1993. Cokutanga, wakaenda kuna padre we katoliko ka kuti azie zvaidha kureketa cioneso. Pedzepo, iyena wakaenda kune mabatista, kokuti wakapedza mwedzi mutatu ari kweneyo, pedzepo iyena wakazosongana ne Soko ra William Branham, ne muvangeri wokunyika ye Amerika. Ku Soko iri kokuti iyena wakarumbwa ari kweneyo akaita mutendi we nhanho kubvira mugore re 1993 dhakara mugore re 2002.
Kacou Philippe wakatanga ne mharidzo dzake kune rujinji mumwedzi wa julho wegore re 2002, pakubva kushanyirwa kocipiri kwaakaizwa nge ngirosi mugore re 1993. Kacou Philippe anoti ndiena muporofita mutumwa we Mhere yopakati pousiku, maererano na Mateu 25:6.
Kuna Kacou Philippe, magereja ese arikusenzera sathani muzina ra Jeso Kristu. Iyena anotsanangura kajinji cioneso cimweni caakaona mugore re 1993, zvokuti iyena anoti wakaona atungamiriri omagereja ane magariro akashata: "Muwiri dzao dzanga dziri muwiri dzo anhu, asi musoro dzao dzanga dziri musoro dzo zvinyama zvakasiana-siana". Hino apona, pakatanga makwikwi okutanga no kurwisana.
Kacou Philippe anoparidza zviro zvakafisika zvakawanda, zviri izvona: "Kudhai Mwari wakapera kuputsa ushaishi wese pa kudzarisa kwe nvura pa nguwa ya Noa, zvakaita wani kuti ushaishi uonekezve panyika pakubva kudzarisa kwe nvura?" Uye mharidzo ii yakabharariswa yese nge jornal rimwe rokunyika ye Kamaroes. Kacou Philippe anoreketa kuti mazwi ake akaezana ne mazwi omaporofita omuBaiberi.
Kuna Kacou Philippe, Gereja rakatanga na Johani Mubabatidzi uye yanga iri babatidzo yo kucunyuka. Pedzepo pakauya babatidzo yokuregererwa zvitema ne mapostori, pedzepo babatidzo yo kupembedzwa na Martinho Lutero, pedzepo babatidzo yo kubharwa patswa kwe sangano kubva pakuteerwa kokutanga kwe Roma, pedzepo babatidzo yokuroorwa, pedzepo babatidzo ye ceneso na João Wesley, pedzepo babatidzo yo kubharwa patswa no cipentekoste, pedzepo babatidzo yokugadziriswa na William Branhamuye, gumisire, babatidzo yo kupetudzirwa na Kacou Philippe. Uye iyena anoti, kunza kwa zvenezvo, babatidzo dzimweni dzese nge dzemanyepo, kunyangwe dziizwe muzina ra Jeso Kristu kana kuti muzina ra Bhabha, reMwana ne Mweya Mutswene kuita zvokunyikwa munvura.
Kacou Philippe anoona Baiberi rakaita hingana supeya dzo motokari kana kuti bhuku ro ngano. Kwaari iyena, Baiberi itsarirwa y engano yocikristu ne cijuda, uye aringaiti kupasa Upenyu usingaperi ngomukhaindi wakadhini hao. Iyena anopisa mukhaindi wese womaBaiberi anoona akaita anotsausa pa rutendo, ndopa muezaniso we baiberi Tob, King James, Tompson, scofield ne Louis Segond. Kacou Philippe anothumbudzurazve zvinoreketa Soko ra Mwari, eciita musianiso kuti Soko ra Mwari (izvokwadhi zvakadhudzirwa) uye teologia (iruzio rinoonekwa bhurikidze ne fhungwa). Iyena anothumbudzurazve Ukuru wa Jeso Kristu, kupupurwa kwe zvitema kukuti kunodhikana kuizwa pacena, mbuto ye mwanakadzi muGereja, babatidzo yo munvura, Mweya Mutswene, muporofita, Baiberi, kuenderana kwe Gereja ne Utongi ne zvimiro zvimweni zvizinji zvo cikristu. Muzvakaringana na zvenezvi, iye wakaramba kwenda paakakokwa nge mbuto ye Mabhasa Anocengetedza Zvese yo kunyika ye Kosta ye Marfim. Iyena anothumbudzurazve cikristu cesse pa bhasa rimwe rinodhaidzwa kuti Buku ro muporofita Kacou Philippe, rakabharariswa pakukura kunokwana katatu nge cirongwa cinozwi Edições Édilivre kunyika ye Fransa. Ona jornal: Le Jour Plus Nº3399 re pamazuwa 15 a abril ogore re 2016.
Mumwedzi wa marso wegore re 2008, Kacou Philippe wakaunganidza anhu ese ozvinamato, ne apeperusi omasoko ne sociedade civil, pa gungano rimwe rakaringana ne cikristu. Wanga uri urongwa unorwisa magereja. Jornal rimwe rakamuona wakaita tenzi we Soko ra Mwari. Pakubva gungano iri ndipo pakazouya paphepha rokutanga re jornal rimweni raiti: muporofita umwe wakakhumura anhu a’Mwari.
Kuita hingana William Branham, Kacou Philippe anotsanangura kuonekwa kwe zviro zve mweya zvokuti iyena anozvidhaidza kuti ngirosi ye pamazuwa 24 a abril ogore re 1993.
Mugore re 2008, mharidzo dza Kacou Philippe dzakatanga kuthumbudzurwa pa mutauro dzimweni. Ma jornal aibhararisa mharidzo dzake muzvakadzara; kunyangwe ne kunza kwe nyika ye Kosta ye Marfim. Jornal rimwe rokunyika ye Kamaroes rakabhararisa musoro we masoko unoti: Kacou Philippe, muporofita wakauya kuzogadzirisa cikristu. Mumbuto dzinobharariswa masoko, hingana dzo muAfrika nº 1, makwikwi akatanga kuizwa. Anhu amweni aidhaira mucihwande-hwande, nyanguse amweni azviita pamhene ne bvinga. Amweni aienda mberi-mberi, kuri kureketazve mutemo umwe na umwe wa Kacou Philippe, kuitira kuti anyase kumubhata zvakanaka.
Pa mazuwa 13 a maio ogore re 2016, muporofita Kacou Philippe wakasungwa ari panyumba pake nge masuphai okunyika ye Kosta ye Marfim ngo kurwisa kune ukuru we Utongi, zvecikukumidzirwa nge cizondo co anamati ne cirongwa ce anamati. Iyena wakapedza mazuwa marongomuna ne usiku murongomuna akagara pa kadera yopambuto yopamusorosoro ye Utongi we Kosta ye Marfim. Pedzepo, iyena wakapedza mazuwa mairi ne usiku muiri ari murindi roasungwa pa sede yomasuphai okuAbidjan uye wakapedza mwedzi mutatu ari mukarabhoso huru ye Abidjan, asaiti aguma pakusunungurwa muusiku we pamazuwa 16 a agosto ogore re 2016 eciguririrwa zvitenderwa zvake zvo cianhu, zvakatodjeka kurambidzwa kuparidza Vangeri pamukana wemakore mashanu. Mbuto dzinobhararisa masoko dzokunyika ye Togo ne Kamaroes dzakatsanangura kutongwa uku kwakaezana nokusikathembesi. Mberiyo manje, atungamiriri ozvinamato okunyika ye Kosta ye Marfim ndipo paakazotendera kuti ndiona anga ari sure kwe kusungwa kwake nokuiswa mukarabhoso.
Kuna Kacou Philippe, bhasa rake rouporofita rine ndima mbiri huru kana kuti zvipangidziro. Ndima yokutanga yakaita hingana mhaka yokuti iyena wakatambira kuna bhabha ake William Marrion Branham, rokuti kudzadziswa kwa Mateu 25:6 zvokuti kuunganidzwa kwe dhudziro dzake dzo mubuku rake kubvira pa ndima 1 dhakara pa ndima 154 rokuti rinodhaidzwa kuti Buku re Muporofita Kacou Philippe. Uye ndima yocipiri uporofita, hope ne zvioneso, zvokuti kuunganidzwa kwe dhudziro dzake kubvira pa ndima 155 dhakara pa ndima 162 mubuku rake. Uye kubvira pa ndima 163 dhakara pa ndima isati yazikwana, nguwa ino, kunonga kuri kuunganidzwa kwe umboo wokurapa no zvishamiso kuri kudzadzisa bhasa rake bhurikidze ne mabhasa akawanda okurapa munyika jinji dzo panyika dhakara pakudzadziswa kwe cioneso co giraundi guru rakaoneswa mugore re 1993.
Maererano na Kacou Philippe, hope ne zvioneso unonga uri mutauro wakakosha kune madzimwari ne anhu, kubhatanidzao ne kuna Mwari wo Pamusorosoro. Iyena anoezanisa hope no zvioneso ne zvipangidziro zvo kufamba kwe anhu kwenda kuna Mwari; zvokuti kunyozera hope kana kuti cioneso kunonga kuri kutama kuremekedza Mwari anonga ecirekata kwauri. Zvakadharoko, maererano na iyena, izvi izviro zvinodhikwana kureketwa mumagereja ese ne zvinamato zvo panyika kuitira kupangidzira kukosha kwakaita hope ne zvioneso kune atendi. Zvakadharoko, kuthumbudzurwa kwe hope ne zvioneso kwaidhikana kuizwa ne ruzio rakakurisisa uye mhore-mhore kudhii romutungamiriri wese wocinamato. Uye zvinodhikana kuizwa nge cipo ca’Mwari.
Kacou Philippe wakaona, mucioneso co pamazuwa 5 a junho ogore re 2022, ngirosi imwe yecimupasa caderno yo burumu uye yecimupangidzira kuti aende kunyika ye Africa do Sul. Pa nguwa yakatemerwa iyena anozia kuti kaderno yo burumu i’pasaporti uye kuti, iyena pakudharika kwe makore anopindiridza makumairi e’bhasa asikazi kumbobhudha kunyika ye Kosta ye Marifim, Mwari apona anomupasa mutemo wokuita rwendo dzokoita mabhasa uye kuti iyena cokutanga anodhikana kwenda kunyika ye Afrika do Sul kuitira kootora cipo cokurapa cakasiiwa ndi William Branham. Bhurikidze ne hope no zvioneso zvakawanda, iyena akazia kuti anodhikana kurongedzera mabhasa okurapa nokuita zvishamiso zvo nyore. Ngirosi yakamubvunza, mugore re 2021, kuti narini adhikani kutambira mare kana kuti zvipo zvinobva kune munhu, nge cinangwa cingaite cipi haco, pamukana we mabhasa okurapa. Iyena akatanga ne mabhasa ake okutanga okurapa kunyika ye Afrika do Sul mumwedzi wa marso wegore re 2025 kumathaundi majinji, ari aona Joanesburgo, Pretória, Middelburg ne Zebediela uye mumwedzi wa abril wegore re 2025 kunyika ye Zimbabwe, pakubva kubhatana ne zvimhingamupini zvidhoko kuitira kupuwa phepha rocitenderwa cokupinda kunyika ye Zimbabwe. Mabhasa okurapa okunyika ye Zimbabwe akaizirwa kumathaundi e Harare ne Bulawayo kubvira pamazuwa 16 dhakara pamazuwa 21 a abril ogore re 2025. Arwere ajinji, mapofu, aya anga ane paralizia, akaremara, arwere o’HIV, aya anga azikazwi akapera kurapwa ciriporipoco kana kuti pamazuwa aiteera, maererano ne umboo mujinji. Mbuto jinji dzinobhararisa masoko dzokunyika ye Afrika do Sul, Zimbabwe, Kosta ye Marfim, Benim ne Kamaroes, ne pakati pe nyika dzomuAferika ne ma-jornal makuru-makuru hingana Herald ne Chronicle akatsanangura rwendo re muporofita Kacou Philippe rokwenda ku Afrika do Sul ne Zimbabwe. Maererano na Kacou Philippe, rwendo rake rokoita bhasa kunyika ye Afrika do Sul uye, pedzepo, ku Zumbabwe, ne zvishamiso zvake, zvakatodzana ne zvakaita William Branham munguwa yake, mugore re 1951. Kuezana kwe zvishamiso uku kana kuonekwa pakubva kuerenga kana kuti kupurutana ndima 163 ne 164 dzo mubuku romuporofita Kacou Philippe uye ne buku re umboo wakatenderwa wa William Branham rinozwi, muporofita uwe anoshanyira nyika ye Afrika do Sulra Julius Stadsklev. Uye kuezana uku kunoita kuti tigume pakuti ngirosi ye pamurambo unozwi Ohaio ndiyona imweyo wokuti ine muporofita Kacou Philippe. Pakubva kunyika ye Zimbabwe, Kacou Philippe waidhikana kwenda kunyika ye Gabao mumwedzi wa junho wegore re 2025, asi Utongi we Gabao wakaramba kumupasa phephe rocitenderwa cokupinda munyika ye Gabao ngondaa ye atungamiriri ozvinamato akapangidzira kuramba kune mabhasa okurapwa o’nyore omuporofita Kacou Philippe ne zvinangwa zvakawanda, asi, maningi-maningi ngondaa ye magariro okutama kubhadharwa kwe mabhasa okurapa anoita muporofita Kacou Philippe ecitondowedza zvaakabvunza nge ngirosi pacioneso cimwe co mugore re 2021. Zvenezvo zvakabhara kuti atame kuita mabhasa okurapa kunyika ye Gabao, ne mabhasa okurapa okunyika dzimweni hingana Benim, Togo, Kamaroes, Congo-Brazzaville ne Congo-Kinshasa.
Zvakathumbudzurwa kubva pa https://plus.wikimonde.com/wiki/Kacou_Philippe
(Yakaparidzwa mu bhiningu, 18 mwedzi we Agosto, gore re 2002, ku Lokodjoro, Abidjan – Kosta ye Marfim)
Yakaparidzwa mu bhiningu, mazuwa 20 mwedzi wa Outubro gore re 2002, ku Lokodjro, Abidjan – Kosta ye Marfim
Yakaparidzwa mu bhiningu mazua 10, mwedzi wa novembro gore 2002 ku lokodjro, Abijan - Kosta ye marfim
(Yakaparidzwa pa macibhese e bhiningu 15 mwedzi wa dezembro we gore re 2002 ku lokodjoro, Abidjan Kosta ye Marfim)
(Yakaparidzwa macibhese ebhiningu 22 Dezembro 2002 ku Lokodjro, Abidjan - kosta ye Marfim)
(Yakaparidzwa mu bhiningu mazuwa 2 mwedzi wa Novembro gore re 2003 ku Lokodjoro Abidjan - Kosta ye Marfim)
(Yakaparidzwa pa mazuwa 12, nwedzi wa janeiro gore re 2003 ku lokodjro, Abidjan – Kosta ye Marfim)
(Yakaparidzwa mu bhiningu mazuwa 4 mwedzi wa Maio gore re 2003, ku Lokodjro, Abidjan –Kosta ye Marfim)
(Yakaparidzwa mubhiningu, mazuwa 23, fevereiro, 2003 kuLokodjro, Abidjan – Kosta ye Marfim)
(Yakaparidzwa macibhese e bhiningu, zuwa 1 mwedzi wa Dezembro gore re 2002, ku mutanha we Lokodjro, Abidjan – Kosta ye Marfim)
(Yakaparidzwa macibhese bhiningu mazuwa 27 Abril 2003, pedzepo mu gore re 2006 kumutanha we Lokodjro, Abidjan – Kosta ye Marfim)