Emiravo

Kacou Philippe oyariwe mwa Dezembro ya 1972 oKatadji, munipuroni mwa oSikensi (Costa do Marfim). Owo ti mwana a mulimi ohisoma. Numala exikola primária, Kacou Philippe omalinhe pahi iclasse ixexe sopajerya sa wosomani wa osecundaria. Okhuma 1992 mpakha 2002, owo onnivira mpantte wowatta wa okathi awe ntoko namuteko mwa mapuro a otekiwa.

Miyettelo sopajerya sa ekristau

Yothene epajenrye ni yowona owo warinawe mwa 24 na Abril ya 1993. Wopajeryani, ti wa patiri mukatolika owo onrowawe wira osuwele enhimyaya yowona. Numala, owo onrowa wa mabatista, walesa owo onviranawe miyeri miraru, ni numala owo onnikumana ni mwettelo wa William Branham, namulaleya ehapari a w'America. Ti ni mwettelo ola owo onthipelela awe okhala mumini mwamukhanixa okhuma 1993 mpakha 2002.

Opajerya wa muteko

Kacou Philippe ompajerya ni solaleya sawe sa vankaneya mwa Julho ya 2002, numala oxukuriwa wanenli wa nlayikha owo warinawe mwa 1993. Kacou Philippe onnikupaleliherya okhala profeta-namutthaka a mukhuwelo wa ohiyu-eriyari, nimuttharihelaka Matheyo 25:6.

Wa Kacou Philippe, ikereja sothene simmurumela xetwani mwa nsina na Yesu Kristu. Owo onnihimya ikwaha sinjene yowona ekina owo warinawe mwa 1993, ni wa eyo owo onihimya okhala owaweha makhulupale a ikereja mwa mikhalelo sotikiniha: "Irutthu saya sari irutthu sa atthu, nto miru saya sari sa axinama ovirikana". Sopajeriwa, nanso, mikutthano sapajerya ni mivanelo sokutthanana.

Kacou Philippe onnilaleya miirelo sinjene, iyo ntoko: "Wakhala wira Muluku opwexakasa yotakhala yothene omuthasekeni okathi wa Nowé, mota xeni yotakhala nlelo yapwanyaneyaya mulaponi nmwa vathi nuvira muthaaseke?" Ni yolaleyene yela ti yokumiheriwa ota mwa yothene ni ejornale ya ocamarões. Kacou Philippe onnihimya wira malumo awe arina murerelo yowo ntoko malumo a maprofeta a Mpiipiliyani.

Miyupuwelo

Ebatizimu nimuttharihelaka Kacou Philippe

Wa Kacou Philippe, Ekereja empajerya ni Yohani Mbatiza ni ti ebatizimu ya orukunuxa murima. Numala ennirwa ebatizimu ya olevelela itampi ni arummwa, numala ebatizimu ya wonela exariyaya mwa wamini ni Martinho Lutero, numala ebatizimu ya oyariwa vasya wa Ekereja numala ottharattharasiwa wopajeryasa wa oroma, numala ebatizimu ya opakiwa mwana ohimuyara, numala ebatizimu ya wikhaliha owarya ni João Wesley, numala ebatizimu ya ophuweliha ni opentecoste, numala ebatizimu ya oheleliwa vasya ni William Branham ni, wokhiseryaniwene, ebatizimu ya otthikiheriwa ni Kacou Philippe. Ni owo onnihimya wira, ohiya wa eyo, ibatizimu ikina sothene ti sowotha, poti sikhalaka sopakiwa mwa nsina na Yesu Kristu wala mwa nsina na Tithi, na Mwana ni na Eroho Yowarya mwa oruweyiwa.

Kacou Philippe ni ekristau

Kacou Philippe oninweha Piipiliya ntoko esuphelyo yowehana ottuli ya mukukutta wala elivuru ya sohimmwa sa khalayi. Wa owo, Piipiliya ti mukweretho wa yopajerya-ya yohimmwa ya khalayi ya ekristau ni ya eyuda ni kekhanle, wa enamuna nnakhala, yovaha ekumi yohimala. Owo onnipaha mithinto sothene sa Piipiliya owo onkhalihawe sowopiha wa wamini, mwa muthonyeryo wa Tob, King James, Tompson, Scofield ni Louis Segond. Kacou Philippe onnitthikela ohimyakaserya exeni Nsu na Muluku, opaka nvirikanelo variyari va Nsu na Muluku (ikekhayi sowupululiwa) ni eteologia (sosuwela sopwanyiwa variyari va onamasuwela). Owo onnitthikela ohimyakaserya omuluku wa Yesu Kristu, olaphulela wa itampi okhanle wokhala vankaneya, nipuro na muthiyana Mukereja, ebatizimu mmasini, Eroho Yowarya, profeta, Piipiliya, wa etthu variyari va Ekereja ni Kaverni ni itthu sinjene ikina sa ekristau. Mwa etthu ela, owo onnikhotta orowa wa mulattule wa Omitekoni wa Sothene sa Onamasuwelasa sa oCosta do Marfim. Owo onnitthikela ohimyakaserya okristau wothene mwa muteko onihaniwa Elivuru ya profeta Kacou Philippe, yokumiheriwa ota mwa mavuru mararu ni Edições Édilivre oFrança. Nwehe ejornale: Le Jour Plus N°3399 ya 15 na Abril ya 2016 ni ejornale Le Sursaut N° ya 15 na Abril ya 2016.

Mwa Março ya 2008, Kacou Philippe onnithukumanya nloko nothene nenadini, siso ntoko majornalista ni nloko na anammawani, vamuthukumanoni woleliherya mwaha wa ekristau. Ti ekettelo yowana ikereja. Ejornale emmukhaliha owo nto okhanlene mulipa-osuwelexa a Nsu na Muluku. Vari numala muthukumano ola woleliherya oruyaya vanikukhuni nopajerya na ejornale ekina: Profeta onnarula ikuwo atthu a Muluku. Siso ntoko William Branham, Kacou Philippe onnihimya opwanyaneya wa mutikiniho owo onvahawe wa nlayikha na 24 na Abril ya 1993.

Mwa 2008, solaleya sa Kacou Philippe sinnipajerya okhala sotaphuleliwa wa mattaava makina. Ijornale sinnimwaryamwarya solaleya sawe mwa somalela; nnakhala ota wa oCosta do Marfim. Ejornale ya ocamarões ennikumiherya ota mwa muru aya mwamukhani: Kacou Philippe, profeta oruye olokiherya ekristau. Mmídiani, ntoko África nº 1, mikutthano movanelani sinnitthukuleleya. Atthu akinaku annitthikela ohimyakaserya wa enamuna yowisipithiha, nanso nto akina annira eyo wa enamuna vokokola ni va owali. Akina nlelo annirowa ottayiwenexa, atthikelaka okuxa sowetteliwa sa Kacou Philippe emosa emosa, aphavelaka onvara-ola orattenexa.

Mwa 13 na Maio ya 2016, profeta Kacou Philippe wahitthukiwa owannyawe ni makhulupale a oCosta do Marfim mwaha wa owana omakhulupale wa Kaverni, otothelela onyokha wenadini ni wikukumihexa wenadini. Owo onnivira othana mixexe ni ohiyu mixexe okilathiyene vakhatterani mmapuroni mwa Onamasuwelasa wa Sothene wa oCosta do Marfim. Vottharelana, owo onnivira othana mili ni ohiyu mili mukhatteya ya vathi wa osedi wa mapilixa a w'Abidjan ni miyeri miraru okhatteya yulupale ya Abidjan, ohinatthi opwanya otaphuliwa wawe ohiyu wa 16 na Agosto ya 2016 ni okhottiheriwa wa ihakhi sawe sa enammawani, vowoneyexa okhottiheriwa wolaleya Ehapari variyari va iyakha thanu. Imprensa ya Otogo ni oCamarões ehimyakasenrye ophukiwa ntoko yohikhalana yophavela. Vaholo vaya, makhulupale anadini a oCosta do Marfim akupalela okhala okhala mwephattuni mwa ovariwa wawe ni otthukweliwa.

Nvaheriyo wa Muteko

Okathi wovirikana wa muteko

Wa Kacou Philippe, muteko awe wa oprofeta orina okathi mili wulupalexa wala wisuweliha. Okati wopajerya warowa okhala ntoko yokhalana yohiyeriwa owo wakhenlyawe wa atithi awe William Marrion Branham, okhanle omaliheriwa wa Matheyo 25:6 ni okhanle nikhuru na sowupulula sawe siri okhuma ekapitulu 1 wa ekapitulu 154 ya elivuru awe enihaniwa Elivuru ya Profeta Kacou Philippe. Ni mpantte mmosa wanenli okhanle oprofeta, soloherya ni sowoona, ekhanle nikhuru na sowupulula sawe siri okhuma ekapitulu 162 ya elivuru awe. Ni okhuma ekapitulu 163 mpakha nummaru nohithonyiheriwa, mwa nto vano, narowa okhala nikhuru na onamonasa wa openuxiwa ni miirirya mwa okupaleliheriwa wa muteko awe variyari va miteko sinjene sa openuxa mwa ilapo sa olumwenku sowatta sa olumwenku mpakha omaliheriwa wa yowona ya estadio yulupale owo warinawe mwa 1993.

Eprofeta nimuttharihelaka Kacou Philippe

Nimuttharihelaka Kacou Philippe, soloha ni sowona ti mulavulelo woreerihiwa variyari va amuluku ni amwanadamu, nimuhelaka-mo ni Muluku Mulupalexa. Owo onnilattaniha soloha ni sowoona wa ithonyeryo ni mapawe a mowettani mmwetteloni mwa amwanadamu akumi arowaka mono wa Muluku; onkhalaya wira ohihela etthu yoloherya wala yowona ti ohimuhela etthu Muluku onoleelani. - Siso, nimuttharihelaka owo, ti etthu ekhanle yokhala yolavuliwa mwa ikereja sothene ni idini sa olumwenku wira yoniherye mureerelo wa soloherya ni sowoona wa amumini. Nanso nto, otaphulela wa wa soloherya ni sowoona wahana okhala wopakiwa ni onamuruku wulupale ni wikasopa mwa mpantte wa wakula mukhulupale nadini. Okhala wira ti variyari va yovaha ya eroho ya Muluku ela yakhanlyaya yokhala yopakiwa.

Miteko sa openuxa sa Kacou Philippe

Kacou Philippe onnona, mowonanani mwa 5 na Junho ya 2022, nlayikha ninvahaka ecaderno ya nlepa na meku ni nimuthonyeryaka wira orowe w'África do Sul. Emara yorerela, owo onnisuwela wira ecaderno ya nlepa na meku ti passaporte ni wira, nuvira wovikana iyakha 20 sa muteko vohikhuma oCosta do Marfim, Muluku onninvaha vano murummwo wopaka ikwaha sa emissionário ni wira owo wahana okhala orowa wopajeryani w'África do Sul wira ovenxerye yovaha ya eroho ya openuxa yohiyiwa ni William Branham. Variyari va soloherya sowatta ni sowona, owo onnisuwela wira ohana wetetela miteko sa openuxa ni miirirya mahalene. Nlayikha nomulakiherya owo, mwa 2021, mwa ohikhalakhala wakhela muxurukhu wala sovahiwa mwa etthu ya mutthu, variyari va wakula exariyaya, variyari va miteko sawe sa openuxa. Owo ompajerya ni miteko sawe sopajerya sa openuxa w'África do Sul mweri wa Março wa 2025 mwa ipooma sinjene, niromolasaka Joanesburgo ni Pretória, Middelburg, Zebediela ni mweri wa Abril wa 2025 oZimbábue, numala okhala okhalana mikajamiho samukhani ikinaku wopwanyani wa ntthitto. Miteko sa openuxa oZimbábue sahipakiwa mmapooma sa oHarare ni oBulawayo okhuma 16 mpakha 21 na Abril ya 2025. Aretta anjene, alipa-ohona, orakala, alipa-otuthunya, aretta ni HIV, alipa-ohiiwa yahipenuxiwa vowakuveyexa wala mwa mahiku ottharelana, nittharihelaka ni onamonasa okinaku. Imprensa sinjene sa w'Africa do sul, sa ozimbabwe, sa omarfim, sa obenin ni sa ocamarões, centro-africanas ni ijornale sulupale ntoko Herald ni Chronicle sohimyakasa ikwaha sa profeta Kacou Philippe wa w'África do Sul ni wa oZimbábue. - Nimuttharihelaka Kacou Philippe, ekwaha awe ya emissionário wa w'África do Sul ni, numala, wa oZimbabué, siso ntoko miirirya sawe, ti solikanasa wa sa William Branham okathi awe, mwa 1951. Olikana nno wa miirirya poti okhala wowehawehiwa numala osommwa wala wiiwiwa wa ikapitulu 163 ni 164 wa elivuru ya profeta Kacou Philippe ni wa elivuru ya onamonasa wosuwelelxiwa wa William Branham, profeta onnimuxukurya África do Sul a Julius Stadsklev. Ni olikanasa nno warowa ovaha mmaliheryo vowira nlayikha na omuroo Ohio ti nlayikha nenno nri ni profeta Kacou Philippe. Nuvira oZimbabué, Kacou Philippe wahana okhala orowa oGabão mwa Junho ya 2025, nto Kaverni a ogabão omukhottiherya ntthitto mwaha wa makhulupale anadini anoniherya munyokhanelo wa miteko sopenuxa sa mahala sa profeta Kacou Philippe mwaha wa ixariya sowatta, nto, ni vanjenexa mwaha wa mukhalelo wa wothene wa mahala wa miteko sa openuxa sa profeta Kacou Philippe mwa wiwelela wa mulakiheryo mulupalexa wa nlayikha mwa mowonani mwa 2021. Eyo yoruhela ohiihiwa wa eprograma awe oGabão ni wa iprograma mwa ilapo sa olumwenku ikina, ntoko oBenim, oTogo, oCamarões, oCongo-Brazzaville ni oCongo-Kinshasa.

Etaphuleliwe wa https://plus.wikimonde.com/wiki/Kacou_Philippe