Kubwanike

Kacou Philippe wakazyalwa muli Nakapale 1972 ku Katadji, mu chibaka cha Sikensi (Ivory Coast). Mwana wamulimi utayiide. Nakamanisya zyiiyo zya ku primary, Kacou Philippe wakakonzya buyo kuchita zibela zyone luzutu zya lwiiyo lwa secondary. Kuzwa mu 1992 kusika 2002, ciindi chakwe chiingi wakali mubelesi kumasena akuyaka.

Ntaamo ntanzi mubu Kilisito

Zyoonse zitalika achilengano echo nchakabacho mu 24 Mukubwekangala, 1993.` Kutalika, wiinka kumu payizi wa Kkatolika kuti akabuzye bupanduluzi bwa chilengano. Mpawo, wakinka kuma Baptist ooko nkwa kakukkala myeezi yotatwe alimwi musule azeezyo, wakaswana kweenzegwa kwa William Branham, mukambausi waku America. Wakkala abaabo bantu kali musyomi buyo kuzwa mu 1993 kusika 2002.

Kutalika kwamulimu

Kacou Philippe utalika ku kambauka antangalala muli Kunkumunamasamu 2002, musule akuswayigwa kwabili a angelo ooyo ngwakabona mu 1993. Waamba kuti musinsimi mutumwa wa longololo lwa akati amansiku kweendelania aMateyo 25:6. Ku musinsimi Kacou Philippe, mbungano zyoonse zili kubelekela dyaboli muzina lya Jesu-Kilisito. Ulatondezya bulidilane achilengano chimwi nchakabona mu 1993 muli nchicho mwaamba kuti wakabona basololi ba mbangano kabajisi zyiimo zitazibinkene: “mibili yabo yakali mibili yabantu pesi mitwe yakali mitwe yabanyama basiyene-siyene”. Nkazyano atwambo tuunji twa kutalika twakalisya.

Kacou Philippe nsiinswa zyiingi zili mbuli: “kuti Leza wakapalazya boonse bubi aZambangulwe mu chiindi cha Nowa, mpawo bubi bwakabola buuti lubo mu nyika musule aZambangulwe?” Aboobo eeyi nkambauko yakambilizigwa kapati apepatwambo lyaku Cameroon. Kacou Philippe wamba kuti majwii akwee ajisi bulemu bukozyana aa basinsimi bamu Bbaibbelle.

Mizeezo

Lubbabbatizyo kweendelania a Kacou Philippe

Kuli Kacou Philippe, Mbungano yakatalika a John mu Bbabbatizyi alimwi lwakali lu bbabbatizyo lwa kusanduka. Mpawo lu bbabbatizyo lwa kulekelelwa kwazibi aba apostolo, mpawo lu bbabbatizyo lwa kweezyanisigwa(justification) mukusyoma aMartin Luther; mpawo lubbabbatizyo lwa kuzyalwa bupya(renaissance) kwa Mbungano musule akulwisigwa kwa baLooma; mpawo lubbabbatizyo lwa kuletelelwa akulelwa; mpawo lu bbabbatizyo lwa kusalazigwa(sanctification) aJohn Wesley; mpawo lu bbabbatizyo lwa kubambululwa(regeneration) ama Pentacost; lu bbabbatizyo lwakubozya a William Branham alimwi lino lubbabbatizyo lwa kubozya kumatalikilo aMusinsimi Kacou Philippe. Usinizya kuti kutali mulizeezi, lumwi lu bbabbatizyo ndwa kubeja, nikuba kuti lwaka chitwa muzina lya Jesu Kristo naa muzina Lyataata, lya Mwana alya Muuya Usalala akubbizigwa.

Kacou Philippe aBu kilisito

Kacou Philippe ubweza Bbabbelle mbuli chiboni boni cha myoota ilanga musule naa bbuku lya lwano. Kuli nguwe, Bbaibbelle mukondo wa lwano lwa chi Juda achi Kilisitu alimwi talikonzyi kuleta Buumi butamani. Utenta yoonsemisyobo yama Bbabbelle ngabona kuba antenda kulu syomo alii mbuli Tob, King James, Tompson, Scofield a Louis Segonde. Wakapandulula bupya kuti ninzi iJwii lya Leza, kabika musiyano akati kaJwii lya Leza(simpe liybunwidwe) atheology (luzibo lujanika akwiila). Wakapundulula bupya chiimo chakuba Leza cha Jesu Kristo, kulyamba bubi kwelede kuchitwa antangalala, busena bwa ba makaintu mu Mbungano, lu bbabbatizyo lwa meenda, Muuya Usalala, musinsimi, Bbaibbelle, bulidilane bwa Mbungano aCisi azimwi zipanzi zya bu Kilisito. Muli zeezi, waka kaaka kwiingula kukwiitwa ankamu ya General information yaku Ivory Coast. Waka pandulula bupya buna Kilisito boonse mu bbuku litegwa Bbuku lya Musinsimi Kacou Philippe, lyakagwisigwa lijisi mavolum otatwe a Édilivre mu France… Bona Pepatwambo: Le Jour Plus Nº3399 lya mu 15 Mukubwekangala, 2016 a pepatwambo Le Sursaunt. lya mu 15 Mukubwekangala, 2016.

Muli Muyoba 2008, waka bungania basololi bansyomeno bacisi chakwe, basimutola twambo abeendelezi bamwi ku muswangano wabu Kilisito oomo mwaka beteka mbungano. Pepatwambo lyaka mbilizya nguwenya mbuli “mwaami wa Jwii lya Leza”. Musule lyayoyo muswangano, pepatwambo lyakali kubalwa ku mutwe wamakani, “Musinsimi wasyupula bantu ba Leza”. Mbuli William Branham, waamba chiitiko chilajulu abulengwe echo nchaamba kuti angelo wa mu 24 Mukubwekangala, 1993.

Mu 2008, nkambauko zya musinsimi Kacou Philippe zitalika kutolikilwa kuli imwii milaka. Ma pepatwambo ambilizya nkambauko zyakwe mubwiingi, nikuba kunze a Ivory Coast. Pepatwambo lyaku Cameroon libika amutwe wamakani: Kacou Philippe, Musinsimi uyakulula chi Kilisito. Kuli basimutola twambo mbuli baku Afrika number 1, nkazyano ilatalika. Bamwi bantu baliingula munziila isiskene, kakuli bamwi bachita oboo chila ntangalala achabukali. Bamwi biinkilila nembo, kabatoli njiisyo ya Kacou Philippe umwii awumwi kuchitila kwiizimazya.

Mu 13 Gandapati, 2016, Musinsimi Kacou Philippe ulaangwa kumuunzi wakwe abasimulawu baku Ivory Coast amulandu waku kakilana amulawu waChisi, kuleta muchilano kubasyomi akugwisya basyomi kuli zeezyo nzobakali kusyoma kuti ndisimpe. Wakaba amazuba ali musanu abusiku buli musanu kakkede achuno kubusena bwa nkaamu yabakapokola yaku Ivory Coast. Mpawo, wakaba amazuba obilo abusiku bobilo mu n`anda yansi (basement) ku headquarters yaba kapokola bamu Abidjan amyeezi yotatwe mu ntolongo mpaati yamu Abidjan, katana kujana lubo lwa ngunuko lwakwe mansiku amu 16 Itwii, 2016; utolelwa zyeelelo zyakwe, ukasigwa ku kambauka Ijwii kwa myaaka musanu. Basimutola twambo baku Togo Cameroon bakachita lubeteko syantyokekela. Mukweenda kwazyiindi, bamwi basololi babasyomi bakazumina kuti mbabo bachita kwaangwa kwakwe akutolwa muntolongo.